الجمعة، 9 يناير 2009

عيد ميلاااااااااااااااد سمسم

النهاااااردة يوم تاريخي
لابد من تسجيله
النهاردة يوم 10-1-2009
عيد ميلاااااااد سمسم سمسمتي حبيبة قلبي " وفيه اسم دلع كمان بس ده سر "
والحب الحب الشوق الشوق :)
بجد سمر دي أحلي هدية بعتها "القدر " لياااا
ومن أحلي الناس اللى ممكن الواحد يقابلهم ويتعرف عليهم
سمر بتتعامل معايا زي ما تكوني مامتي
وأنا بأحب أقولها يا ماما
عمري ما أعرف أزعلها لأن هأبقي زعلت نفسي الأول
عمري ما عرفت أخبي عليها حاجة
مش عارفة ليه بس هى بتعرف أني مخبية حاجة وبتعرف تخليني أتكلم من غير ما تعمل حاجة أصلا
وبتعرف تفهمني من غير حاجة من غير ما تشوف وشي بتعرف حالتي عاملة ازاى
ساعات كتيرة بأحس أنها فاهماني أكتر ما انا فاهمة نفسي
بجد لو فضلت أوصف فيها مش هيكفي كلام ولا هتكفي مساحة
يعني ازاى الواحد يوصف حلاوة البحر أو جمال السماء فى كلام عادي كده من بتاعنا؟؟؟
أكيد مش هينفع
سمر تحسها عاقلة جدااا لو اتكلمنا فى موضوع يخصنا أو حاجة بتضايقنا
وتلاقيها زينا فى جنونا لما نبقي فرحانين
وكفاية أنها أقرب ليا مني فعلااا
أخيراا كملت 20 سنة
والنهاردة يعني مش عارفة أقول ايه من الفرحة
يا ريت كان ليك حوالى 17 عيد ميلاد فى السنة عشان الواحد يفرح كده كتييير يا سمر
بجد بجد الواحد عاجز انه يوصف إحساسه دلوقتي
وعاجز انه يوصف اللى جواه
بس بجد ربنا يخليكي ليااااا
وأفضل "قدرك" على طول مع أني كنت عايزة أحميكي منه بس أعمل ايه بقي أنتي مصممة
كل سنة وأنتي طيبة يا سمسم
ويااااااااااااااا رب السنة دي تبقي أحلي بكتييييييييير من السنة اللى فاتت
ويااا رب ما أشوفك مضايقة أبداااا
وعامة لو شفتك هأبقي أضحكك "أمال أنا لازمتي ايه لو فضلتي مضايقة معايا" ولا ايه ؟ ;)
حاسة أن الدنيا كلها المفروض تغني وتنطط دلوقتي بس هي مكسوفة شوية يا سمسم :))
يللا كفاية كده على البوست بس أكيد مش كفاية عليكي
سلاااااااااااااااااام

هناك 14 تعليقًا:

غير معرف يقول...

كل سنه وسمر طيبه وعقبال مية سنه ان شاء الله
وربنا يخليكوا لبعض دايما ويديم الصداقه دى على طول :)

Adel Mody يقول...

كل سنة وانتى طيبة يا سمر

وعقبال 10000 وشوية كمان :)

ويارب الصداقة دى تديم على طول

Happy Birth daaaaaaaaaaaaaaay

lovely eyes يقول...

اكيد انهارده من اجمل الايام علشان عيد ميلاد سمورتى
كل سنه وانتى طيبه يا سمورتى
لازم نحتفل بعيد ميلاد فى كل مكان
كان نفسى ننزل نحتفل بيه بكره بس هنعمل ايه كل واحده بتحتفل بيه لوحدها
ويارب نفضل دايما نحتفل بيه مع بعض ومش نتفرق ابدا
لان بجد صعب الواحد يلاقى جروب زى ده تانى
:))

romansy يقول...

كل سنه وسمر طيبه
وعقبال مليون سنه

key of life يقول...

وأنتى طيبة يا قدري :)
بس أنا فعلا حاسة أنه دا كلام كبيرررر
يارب نفضل كدا علي طووووووول
صديقات صدوقات صغيرونات :)
وكفايه كدا بقي عشان أحرجتينى كتير انهارد بالكلام الحلو دا
وأكيد الرد السليم هايبقي في شهر 7 ;)
سلام

hager يقول...

سمــــــــــــــوره
كل سنه وانتي طيبه يا قمر
وهرجع انصحك تااني واقولك سيبك من البت بتاعت الترمس دي لانها هيا اللي هتجيبك لورا :p

diyaa mahmoud يقول...

بسسسست بببببببببببست بسسسسسسسسسست :D

سموراااااااا
طبعا مهما قولت مش هوفيكى حقك زى ما ساره قالت
بس بجد حرام عليكى
دايما فوق فوق لاو كمان حصلتى ال20 قبلى

يلا

هابي بيرث داى.. وحاجات حلوة كتير.. وجاتوه وفطير.(مش تنسى تعزمى). وحاجات بتطير(اكيد مش انا) ;D
وكل سنين العمر وانتى طيبه

Unknown يقول...

ربنا يخليكو لبعض
كل سنة وسمر بـألف خير
دامت لكم المحبة
مودتي

solo يقول...

كل سنة وأنتى طيبة يا أجمل وأحن سمورة فى الدنيا كها
بجد أنا مهما أتكلمت عن سمورة مش هقدر أوصف حبى ليها
بس ممكن أقول كلمة هى ماما بجد فى حنيتها وطيبتها وخوفها علينا وفعلا مانقدرش نخبى عليها حاجة
أنا دايما بأقول لسارة إنى بضعف أوى أدامها لما تقولى قولى إنتى ياسولو
ويارب نفضل كده صحاب وأصدقاء على طوووووووول ومش نفترق عن بعض أبدا

smsma يقول...

كل سنة وانتى طيبة يا سمر
وعقبال سنين كتير تكون فى سعادة وتحققى اللى نفسك فية
ويا رب يديمها عليكم صحوبية
تقبلى مرورى

MY FATE يقول...

كل سنة وأنتوا كلكم طيبين
ونورتم المدونة
ودائما كده أشوفكم فى الفرح والمناسبات المفرحة يااا رب
وربنا يسترها علينا كلنا فى الإمتحانات ونعدي الترم بسلاااااام
وربنا يديم علينا الصحوبية يااا رب
سلامااات

موناليزا يقول...

كل سنة وانتوا طيبين ودايما مع بعض متجمعين
ويارب تفضلوا كده دايما

Nema يقول...

sorry for the late reply :(
Kol sana w sa7betek tayyeba..it makes me feel really good lama ala2i elnas els7ab lessa bey7ebbo ba3dohom keda mn gowa gowa..gowa gowa ya3ni:D
rabena ye5allieko le ba3d w yarab mabsoutien dayman insha'allah =)

3yzien postat kman !!!! :D

MY FATE يقول...

وأنتي طيبة يا نيمو
وتيجي وقت ما تحبي
المدونة مدونتك يا باشا
والحمد لله فعلا ان الواحد قابل أصحاب بجد فى الوقت الغريب اللى أحنا فيه ده
منورة المدونة كالعادة
سلااام