الجمعة، 2 يناير 2009

صور

السلام عليكم
بقالى مدة عايزة أكتب حاجة بس مش عارفة ايه هي
فقررت أخلي الصور تتكلم هي شوية
دي شوية صور أنا بأحبها (وبتوضح مدي عبقريتي :) )
نبدأ بقي يللا
دي صورة لخلفية كليتنا (حاسبات ومعلومات) ده المنظر الخلفي للكلية يعني
منظر حلو جدااا (أنا كنت بحاول أصور نخلة سمسم بس ماعرفتش بقي فصورت نخل كتير وخلاص وهنقول أنه كله بتاع سمر ;) )
تاني صورة بقي
دي بقي كليتي ذات نفسها كنا بلليل في سكشن والكلية كان شكلها حلو قوي فقلت ألقط صورة وكليتنا حلوة :)
تالت صورة بقي

دي صورة للمنصورة شارع المشاية عند مسجد السلاب كده كانت شكل السماء حلوة قوي ما قدرتش مش أصورها وعجز الموبايل بصراحة :))
رابع صورة بقي

دي فى اسكندرية فى الرحلة بتاعتنا (الواحد خد كمية صور كبيرة هناك بصراحة بس للأسف راح كتير منهم :(( بس عامة خير يعني )
الصورة النهائية اللى هأقفل بيها الموضوع

مش عارفة أتكلم عليها
المنظر كان رااائع جدااا بصراحة
هاا ايه رأيكم بقي فى الصور ؟؟؟ ;) اكيد حلوين :)
ويا ريت تبقوا تضغطوا على الصور بتبان أكبر وأحلي (بسم الله ما شاء الله عليا :D )
سلااام بقي


هناك 29 تعليقًا:

key of life يقول...

شكرا جدااااااا يا قدري ;)
كله بتاعى ربنا يخليكي ليا
الصور طبعا كلها حلوة
أنا بقول أن 2009 هي سنة الأبداع
متنسيش تنمي الموهبه بقي عشان هي سنة وتبقي في الشارع وأهي مهنه في اليد خير من مهن كتير بعد التخرج ;)

غير معرف يقول...

انا بحب صور السماء قوى وهى كدا :)
بتبقى كمان على الطبيعه احلى :D
ربنا يكرمك :)

خرجتينى من الملل اللى انا فيه والزهق من اللى ورانا :( ...

diyaa mahmoud يقول...

الحمد لللللللللله

قلبى وقع لما قرات كلمه صور ديه

افتكرت حاجه تانيه
صور اسكندريه المسخره
احم احححححم

صور جميله
الغريب انى مش خدتها


يلا سلام

غير معرف يقول...

حلوين اوي يا سارة كلهم :)
بس تصدقي معلومة تكبير الصوة دي جديدة
ايه الفقاقة دي :P

Nema يقول...

elmawdoo3 da laziz w 3agebni
w a5er pic fe3lan gameela awi sob7an allah..
a7eb awarriki pic a5attaha wana mashya 3l nile hena fe cairo..akeed hate3gebek http://i21.photobucket.com/albums/b271/nemaa/jsgjh.jpg

hager يقول...

جااامدين اووي الصور دي
وبجد والله انتي عبقريه في التصوير انا لو منك استغل الموهبه دي وسيبك من حاسبات :)
اما بقي صوره كليتنا بليل دي فانا هسيفها عندي .. يا بنتي انا مش مصدقه انها بتاعتنا .. اوعي تكوني بتضحكي علينا يا ساره :D

wild flower يقول...

صور جميله اوي اوي

و كالعاده عجبتني اكتر اخر صورتين

و الصوره بتاعة كليتنا نظيفه جميله متطوره دي حلوه برده D:

وبرده برده بستأذنك هنزلهم عندي

ابقي جيبلنا حاجات حلوه من دي كتير

اصلي ببقى نفسي اصور برده اي حاجه تعجبني بس بكسل

تسلم ايديكي :)

Adel Mody يقول...

الصور جامدة جدا

شكلنا هناقس بعض فى المهنة :)


سلام

غير معرف يقول...

بجد الصوره بتاعت الكليه دى تحفه
وبجد لما شوفتها فى توقيعك حببتنى فى الكليه جدا وفضلت قاعده هناك مره عشان اشوفها بس بالليل
وطبعا صوره السماء دى روعه
بس كويس لاقيتى مهنه غير حاسبات

Unknown يقول...

Hنت من المنصورة الله الله وأنا كمان من المنصورة بس في كلية آداب شفتي بأه بس والله جيت عندكم حاسبات ومعلومات كام مرة مشفتكيش يعني ههههههههههههههههههههه
ربنا يكرمك صحيح تصوير الموبايل مش بيبقى حلو بس لإنك انت الي مصورة زائد اختيارك لمناظر حلوة بجد والله العظيم الصور رائعة بالنسبة ليا ع الأقل
على فكرة مستيكي تنوريني

solo يقول...

يااااااااااااااه الصور حلوة أوى
وأكيد السنة دى سنة إبداع مش بس فى الصور أنا حاسة إن إحنا هنبدع فى كل حاجة
ويلا ياستى لاقيتى مهنة أهى عشان متقوليش بس إنك مش هنلاقى شغل بعد مانتخرج
بس هل وخدى بالك من هل هتبقى تسيبى الشركة بتاعنا وتروحى تصورى

MY FATE يقول...

key of life
سمسم العفو يا باشا أكيد مش خسارة فيكي
ده انا حتي دائما أقولك "شايف القمر والشمس دول والله مش خسارة فيكي يا سمسم :D "
وحاضر هأنمي الموهبة فى سنة الإبداع دي

Dina

الله يخليكي يا دينا
والله منورة المدونة


dodo
لألألألأ يعني هو أنا هأجي أفضح نفسي مثلا ؟؟
أطلع بره بقي :)

hend

منورة يا هند
وماشى ألسي براحتك ما أحنا سى اس سوا ومش هأعرف أتكلم بقي :)

Nemz
الله الصورة بجد حلوة قوي
كده هنافس بعض بقي :)
ربنا يخليكي وتنوري المدونة دائماا

MY FATE يقول...

hager
منورة المدونة يا جميل
ودي كليتنا والله بس هى طالعة حلوة شويتين فى الصورة
واهو اتجه للتصوير وبلا مواد بلا سى اس بلا حاسبات

wild flower
يسلملي مرورك والله
وده بس من ذوقك
ومن غير إستئذان اعتبيرهم هدية عيد ميلادك يا جميل

Adel Mody

الله يكرمك ننافس بعض ايه بس
ده أنا لسه على قدي خااالص
شكرا على مرورك

MY FATE يقول...

نور القلب
الله يكرمك
وفعلا الصورة بتصبر الواحد شوية على اللى بيشوفه
منورة المدونة يا باشا

كاتب مصري

الله يخليك
وفعلا لما المنظر يبقي حلو لازم الصورة تطلع حلوة
شكرا على مرورك

solo
أختي الصغيرة يا مرحبا يا مرحبا :)
هو انا لاقيت شغلة ماشى
بس أسيبكم وأسيب الشركة ازاى؟؟
ده حلم بتاعنا برضه
منورة المدونة جداا يا سولو
سلاااام ليكوا كلكم
وشكرا على التعليقات الحلوة دي بترفع المعنويات والله

Unknown يقول...

صورة كليتنا منوره البوست :D :D

بس بجد كلها صور جميله جدااااااااااا

lovely eyes يقول...

الصور حلوة اوى
واهو الحمد لله الواحد اطمن عليكى وعرف هتعملى ايه بعد التخرج
اصلى كنت مقلقه شويه من عربيه الترمس
بس هو اخر صورة دى فين هو ممكن يطلع فى الاخر كنت معاكى وانتى بتصورى بس انتى عارفه الزهايمر منتشر فى الشله كلها
وشكرا يا جميل على الصور
سلام بقى

غير معرف يقول...

صور جمييييله جدا يا ساره

وخصوصا بتاعت السماء والمناظر الجميله دى

ايوه كده نطمن عليكى بدل عربيه الترمس

ربنا يوفقك يا جميل

سلاااام

MY FATE يقول...

soul_of_darkness
ههههه ده أكيد يعني لازم حاسبات تبقي منورة :)
والله يخليك وشكرا على مرورك

lovely eyes
يا خرب بيت الزهايمير والله
والحمد لله بقي فى ايدي شغلانتين عربية الترمس والتصوير أحمدك يا رب :)

katkat

الله يخليكي
والله منورة المدونة
والحمد لله بس أهم حاجة أى فرح أى خطوبة أى مناسبة أبقي أفتكروني أجي أصور :))
شكرا على المرور

وشكرا ليكم كلكم
سلااام

غير معرف يقول...

مع انى شفتهم على الموبايل
بس شكلهم حلو اوى على الكمبيوتر
بالذات بتاع كليتنا من ادام
حلو اويييييي بالليل
شكرا يا حبى على الصور الجميلة دى

MY FATE يقول...

senioreta
شكرا يا سارة على الرد
وربنا يخليكي
والمدونة كلها منورة
سلااام

¨°o.O ( do2_do2 ) O.o°¨ يقول...

صور حلوه والله

عقبال صور فرحك :)

M Al3wady يقول...

الكاميرا فى يد المصور كالريشة فى يد الرسام
علطول كنت بقرأ المقولة دى فى مجلة فلاش ما فهمتش معناها إلا لما بدأت أتابع صور كتير والناس اللى بتصورها.
الصور جميلة ما شاء الله وتنبئ عن موهبة وحس فنى بس بصراحة أكثر واحدة عجبتنى فيهم هى الصورة بتاعت رحلةاسكندرية
سلام

MY FATE يقول...

DoOkDoOoK
شكرا لحضرتك على الرد
ونورت المدونة

The Aorta
حلوة جداا المقولة دي
وانا فعلا بأحس بكده
بس هى لولا أن الطبيعة رائعة مكنتش الصور هتبقي حلوة
وربنا يخليك وشكراا جدا على رأيك
وشكرا على الرد
نورت المدونة

سلام

صفا سارة يقول...

بجد يا سارة الصور تحفة وتصويرك جميل جدا وخصوصا صورة الكليه اول مرة اشوف كليتنا حلوة كده يلا ربنا معانا

MY FATE يقول...

صفا

شكرا قوي على الزيارة الحلوة دي
وربنا يخليكي
وشكرا على رأيك الحلو ده :)
والصورة بتاعت كليتنا دي بتصبر الواحد شوية فعلااا
سلااام

غير معرف يقول...

صور رائعه والمناظر تحفه
وأنا برده أول مره أشوف كليتنا حلوه كده ويمكن عشان بالليل بفكر أبات ليله هناك يمكن أشوفها زى ما انتى مصوراها
خليتنى احس ان فى أمل انها تتحسن وتبقى كليه زى بقيت الكليات
تسلم ايديكى

غير معرف يقول...

صور جـــامدة

وخصوصا الأخيرة :)

غير معرف يقول...

صور جااااامدة جداااااا جداااا
بجد اخر جمال والله
:D
على فكرة دي هواية ليا برضه
سلاااام
:D

MY FATE يقول...

RolyQaseM

الله يخليكي ومش عارفة الدعاية اللى بأعملها لكليتنا دي هاخد عليها فلوس فى الآخر ولا ايه :)

MMF
شكرا على الزيارة الحلوة دي
وآخر صورة دي المفضلة عندي أنا كمان :)

elahlawy

الله يخليك ويكرمك
شكرا جدااا ليك
وعلى كده بقي هنتنافس على الهواية دي بعد كده :)
منور المدونة
وشكرااا جدااا على الردود دي كلهااا
رفعتوا من معنوياتي جامد والله
وسلامااات