الخميس، 7 أكتوبر 2010

Life in ITI

Not Good
Not bad
حاجة كده فى الوسط ملهاش وصف ولا تعريف مناسب :D
الحقيقة أنا لسه مش حاسة أني منبهرة بالاي تي اي لحد دلوقتي على الاقل
مش حاسة أني بأستفاد بالشكل اللى كان فى دماغي
بس أعتقد لما ندخل قدام شوية فى الكورسات واللابات العملي الموضوع ممكن يتحسن كتير بالنسبة للفايدة العلمية
مش قادرة أوصفلكم الواحد بيصحي بدري أو ما بينامش أصلا عشان يخرج من البيت الساعة 8 وهو وحظه فى العودة بقي
بس مش بنتأخر عن 6 لحد دلوقتي
قدام النظام هيختلف وهنتأخر طبعا
بالنسبة للبريك مش قادرة أوصفلكم طولها
مش بلحق أخد نفسي أصلا أو اريح مخي شوية
حتي كوباية نسكافيه مش بلحق أشربها مع أن طعمها وحش جداااا هناك مش عارفة ليه :(
المفروض النسكافيه ده حق مكتسب لأي بني آدم عشان يصحي ويفوق
بس الحق ده مش متوفر هناك للأسف :(
بالنسبة بقي للكلية نفسها
وحشة جداااااااااااا
حاسة أنها ميتة
كل حاجة فيها بتوحي ليا أني المفروض أكتئب
لو نزلت يعني أبص -وده ما بيحصلش كتير عشان بنتحبس فى الاي تي اي أصلا- الكلية بتبقي وحشة جدااا فعلا
الواحد مش شايف الناس اللى اتعود عليها
مفتقدة دفعتي جدااااااااااااااااااا
مش حاسة بالدفعة بتاعت الاي تي اي اللى أنا فيها دي مش متعودة عليهم كده
لو كانت دفعتي معايا كانت الاي تي اي دي هتبقي أحسن بكتيييييييير والله
هو أحنا اه معانا ناس من الدفعة حوالي 10 كده أو أكتر
بس برضه مش إحساس الدفعة كده
بجد مفتقداكم جدااا
حتي الناس اللى الواحد مكنش له علاقة بيهم أو مكنش بيستظرفهم كده دلوقتي مفتقدهم برضه :(
أنا عاوزة حفلة التخرج تيجي بقي عشان كده كتييييير يعني
بس هو فيه أمل فى الأفق وإن شاء الله خير
والأمور تتحسن فى الاي تي اي
والإحساس بالكآبة ده يقل مع الوقت
وربنا يوفقنا كلنا دفعة حاسبات المنصورة 2010 ونتقابل دائما على خير :)
سلام

هناك 11 تعليقًا:

Ahmed Gamal يقول...

ربنا معاكم
التغير صعب فعلا
بس ثبات الحال من المحال

وربنا يوفقكم يارب
ويارب الحفله تتعمل بقى

بالتوفيق

Adel Mody يقول...

ان شاء الله اللى جاى احسن وخليكى متفائلة كدة بطلى كئابة

lovely eyes يقول...
أزال المؤلف هذا التعليق.
lovely eyes يقول...

مبروك عودته النت
وان شاء الله الاى تى اى تبدا تتحسن قدام هى ممله دلوقتى علشان الحاجات اللى بنخدها كلام متكرر
وياريت فعلا بقى تحدد حفله التخرج قريب
وكمان نحدد رحله وتبقى مع الدفعه بس يارب الدفعه كلها توافق ونعرف فعلا نطلع :)

eman D. يقول...

هوا بالنسبة لـ ITI فأنا مش عارفة اعلق عليها لسه..
بس انا متفاءلة ان شاء الله :)
وكفاية اني بقيت بعمل ال ERD قبل الـ DB مش بعدها زي ايام الكلية D:

وبالنسبة للكلية .. فأنا مش حاسة بأي انتماء ليها فعلا..
اصلا انا مدايقة من ان ال ITI في حاسبات

بالنسبة للنسكافيه..
لو انتي بتشربيه ف بيتكم معلقة واحدة قوليلو يحطلك معلقة ونص..
ولو اتنين قوليلو يحطلك اتنين ونص .. كده يعني.. D:

ومن غير لبن بيبقى ارحم .. D:

senioreta يقول...

بجد يا ساره والى برا الاى تى اى كمان
مفتقدين كل حاجه مفتقده الكليه والدفعه والبشر
ربنا يوفقكم فيها ان شاء الله
ومتعمليش زيى وتكتئبى لحد ميجيلك احساس بالموت
وحشتووووونى اوى على فكره يارب اشوفكم قريب ان شاء :) :)

Angel يقول...

كل حاجه فى الاول بتبقى مش محسوسه او مش فاهمه هو فيه ايه بالظبط ؟ :D
بس مع الوقت ان شاء الله هاتبقى كويسه ومبسوطه ومتأقلمه باذن الله
اهم حاجه تعملى اللى عليكى وحاولى تبقى متفائله وان الايام هاتبقى أحسن ان شاء الله :*
وبالنسبه للنسكافيه ابقى تعالى اشربيه معايا يا ستى وزى ما انتى عايزه :D:*
وحشتونى بجد وموضوع ان كل واحد ف طريق ده الطبيعى اصلا بس ربنا يوفقنا كلنا ان شاء الله ونتقابل دايما :*:X

BooDy يقول...

اللي في القاهرة برضو بيقولوا نفس الكلام
بس اكيد التقيل جاي

Beram ElMasry يقول...

اجمل التهاني واطيب الاماني بعيد الاضحي المبارك اعاده الله عليكم وجميع الاهل بالخير والبركة

Tamer Moghazy يقول...

اولأ:
Not Good,,,,Not Bad
دي كلمتي..من فضلك ما تستخدميهاش :)
ثانيا:
واضح انك مفتقدة اصحابك جدا عشان كده مش حاسة انك في المود وعاوزة تخلصي من الفترة دي بسرعة.
ثالثا:
صباحك معطر بالزهور :)

MY FATE يقول...

بعد عمر طويل قضيته بعيد عن مدونتي ومشغولة فى الاي تي اي
أنا حاليا مبسوطة
بعيدا عن الإمتحانات وكل اللى بيحصل هناك
بس مبسوطة عشان عرفت ناس جديدة بحترمها وحاليا حاسة أني هزعل قوووي لو اتفرقنا فى الأقسام
ربنا يستر
وشكرا لمروركم جميعا وألف شكر لدعواتكم خليكم مستمرين فى الدعاء :)
سلام