الأحد، 13 يوليو 2008

كان الزمان

ذكريات

ذكريات ذكريات ذكريات
هذه حياة كغيرها ملئية بالذكريات
ذكريات طفلة صغيرة تجرى وتلعب هنا وهناك
ذكريات طفلة تقف فى الشباك تأكل حبيبات الذرة التى تفرطها لها أمها
وتبتسم وتضحك وتجرى وتلعب هناك
تلعب الاستغماية وتلعب الاولى والسبع طوبات
طفلة صغيرة تجرى وتلعب فى الرمال وأمامها البحر الواسع
جميل البحر بالنسبة لها بنفس مقدار ما هو مخيف وغامض
تجلس هناك أمام البحر ووالدها يحفظها ايات وايات الاخلاص والتوحيد والمعوذتين
ذكريات طفلة صغيرة وجدها يلعب معاها ويدغدغها هى وأخوها
طفلة صغيرة هى وكم تمنت أن تبقي الحياة هكذا
ذكريات طفلة صغيرة انتقلت لتعيش هناك
وتلعب مرة اخرى هناك وتركب الدراجة وتجرى فى الشوارع
لا تتذكر مرة بكت فيها أو شعرت بالحزن
طفلة هي ولكن الزمن لا يتوقف
كبرت تلك الطفلة
ما عدا هناك شارع أو لعب أو جرى
كم اشتاقت الجرى هذه الطفلة
تنظر لصورة هذا الحصان وتتمني أن تجرى مثله
كم اشتاقت دراجتها الصغيرة وضحكاتها وشعرها القصير المتطاير
كانت طفلة هى ولكن الزمن لا يثبت
ذكريات صبية صغيرة
والمدرسة وأستاذها الوسيم
وذكريات أصدقاء صغار هناك فى المدرسة
وذكريات صبية تذهب للدرس
ترى هذا الصبي ويتبادلوا البسمات
ذكريات صبية وصبي فى هذا الدرس
وعلى الحائط هناك رسم قلب لها ووضع أول حرفين من أسماءهم
هناك على الحائط بجوار الدرس
كانت صبية ولكن العمر يمر
ذكريات شابة فى مقتبل حياتها
محبوس بداخها رغبات ورغبات
رغبة فى الجرى
رغبة فى اللعب
رغبة فى ركوب دراجتها
رغبة فى البكاء حنينا لتلك الطفلة التى كانت يوما ما هي
رغبة ورغبة ورغبة
وذكريات
ذكرياتها وهى فى الثانوية
دروس ومدرسة كتب ومذكرات
امتحانات وخوف وقلق ونتيجة
ذكريات أيام مضت
وأحلام بعمر قادم
ذكرياتها فى أول يوم لها فى الجامعة
خوف ووحدة
تمشى مع صديقتها وتخطو خطوات قلقة من المستقبل الذى سيستقبلها وحيدة
تمشى داخل هذا العالم الواسع وتشعر بالخوف
تقابل هناك زملاء
زملاء ولكن سرعان ما يصبحوا أفضل الأصدقاء
وسرعان ما تعتاد هذه الشابة على هذا العالم الواسع
وتحبه ويصبح عالمها الخاص
يحتوى على أحلامها
على كليتها الحبيبة
وأصدقائها وأحلامهم الصغيرة
وضحكاتهم وكلامهم ومشاعرهم
وخوف ليلة الامتحان وفرحة بعده وربما حزن واكتئاب
ذكريات وذكريات وذكريات
ذكرياتهم هناك
ذكريات ضحك ومذاكرة ومحاضرات وسكاشن وهذا الكشكول الذى يحتوى على كل هذا
يحتوى على أحلامهم وضحكهم وحتى برنامجهم الصغير
يحتوى على أحزانهم وبكائهم يحتوى على وجوههم وحالاتهم المتغيرة
أصدقائها الأربعة هناك وحلمها هناك يحبو وتحاول الاعتناء به
شابة هى تحمل بداخلها هذه الطفلة
الطفلة التى تجرى وتلعب وتبتسم هناك
تحمل بداخلها حنينها للماضى
وتحمل خوفها وقلقها من المستقبل
طفلة هي وستبقي هكذا مهما مر من الزمن عليها
طفلة هى وهذه ذكريات طفلة

هناك 9 تعليقات:

key of life يقول...

الحاضر يصبح ماضي بافراحه والامه ولكن لا يتبقي سواها الذكريات ويوما ما سوف نتذكرها معا ونحكيها لهم الاطفال ;)
سلام

Rain_Drops يقول...

تحبي أنشر صورك و انتي قدام البحر في جمصة عشان أفضحك ، ولا رأيك دي هتبقى طعنة جامدة حبتين ؟

(عشان تعرفي بس أخوكي السكير لما ينتقم)

;)

lovely eyes يقول...

كل وقت بيبقى له جماله وفرحته بس دايما بيعدى بتفضل الذكريات حلوه كانت او وحشه بتفضل بس دايما بنحن لفتره الطفوله لان فيها حاجات مش بنعرف نعملها فى اى مرحله تانيه
ويارب ذكرايات الجامعة نفتكرها مع بعض :) :) :)
سلام

MY FATE يقول...

ايه الكلام الجامد ده يا سمر؟؟
أطفال مين؟؟؟ هههههههههه

وبالنسبة بقي لمحمد ناوى تفضح أختك؟؟
استر عليا وعايز تحطها حطها وانا ولا يهمني ده انا كنت قمر بالعوامة والله :D

وفعلا يا سلمى كل وقت وله جماله بس أنتي عارفة كله كوم والحنين للطفولة ده كوم تانى عندى
يللا سلاااااام

Adel Mody يقول...

الكلام جميل جدا

ومفيش احلا من ايام الطفولة

ويارب نفضل فكرنها على طول

انا عينى دمعت من الكلام مش عارف لية

:)

solo يقول...

الكلام جميل أوى يا سارة
ومين فينا مش عنده ذكريات سواء مفرحةأو حزينة زى ما بنودع أشخاص بنحبهم كتير بس بنفضل فكرينهم على طول حتى لو عده علينا سنييييييين كتير بنفضل فكرينهم وعمرنا ما بننساهم
وحتى ذكريات الطفولة اللى بنتمنى نرجعلها ولو حتى يوم واحد بس والله كانت أيام جميلة بس بتفضل الحاجة الوحيدة اللى بتفكرنا بيها هى الصور

MY FATE يقول...

شكرا على مرورك يا عادل
وأنا كمان مش عارفة عينيك دمعت ليه :D
وفعلا يا سارة مهما عدت سنين بنفضل فاكرين ناس وجوانا ذكريات كتيرة بتصبرنا على حاجات كتيرة برضه
يللا دنيا غرورة وكدابة زى ما أنتوا عارفين

¨°o.O ( do2_do2 ) O.o°¨ يقول...

رجعتينا
وفكرتينا
بالذكريات
الجميله

الذكريات من اجمل الاشياء التى يمتلكه الانسان

وخبره نستفيد بيها للمستقبل

ورسمك للذكريات جميل جداً

MY FATE يقول...

DoOkDoOoK
ألف شكر لحضرتك

وفعلا
"الذكريات من اجمل الاشياء التى يمتلكه الانسان"
هو مش دايما قوى يعنى بتبقي حلوة بس أكيد بتفضل جوانا تفكرنا بحاجات كتيرة وتعلمنا حاجات اكتر
ونورت المدونة
سلااام