السلام عليكم فى الاول
ثانيا : كل سنة وأنتوا طيبين وياا رب السنة دي تبقي أفضل واكيييد تعاطفنااا مع غزة جرحنا الدااائم وربنا ينصرنااا وينصر الإسلام والمسلمين
ثالثا بقي اسم الموضوع AoA
اسم مادة عندنا هو إختصار من عندي للمادة التي يطلق عليها Analysis of Algorithms
مادة ما يعلم بيها إلا ربناا
مادة من ام دكتورين اه والله مش بأهزر ده بجد مادة بدكتورين
المادة دي نفسي أعرف أنا المفروض أتعامل معاها ازاى
مفيش ليها كتاب واللى عايز يعني المفروض يروح يصور مرجع كده واحد فى تحليل الخوارزميات والتاني فى ال fuzzy
هههه حد هيسأل ويقول ومين ال fuzzy دي يا اختي هأقوله أنا ده الجزء اللى الدكتور التاني شرحه لينااا
وهأقول ما علينااا
هاجي بقي للى أنا فهمته من المنهج بسم الله ما شاء الله نفسي أعرف هو المنهج عايز يقول ايه؟؟ مش فاهمة نوهااائي
أنا باعرف أحلل وكل حاجة وال master method
سارة فهمته وهأبقي أفهمه منهاا مفيش مشكلة برضه
بس بجد أنا مش فاهمة أنا عمالة كده ليه فى المادة دي؟؟
وهل كل الناس كده يعني؟؟ ولا أنا لوحدي أو أنا وأصحابي بس اللى كده
عايزة أفهم المادة راحة فين وجاية منين بس مش قادرة أوصل للحقيقة دي
وبرضه الجزء بتاع التخيل ده واني أعتمد على خبرتي فى المادة
مسخرة والله المفروض أخمن منين أنا مش عارفة والله
لو الموضوع محتاج خبرة الواحد يشيل المادة عشان ياخد خبرة على السنة الجاية بقي ولا ايه؟ مش عارفة برضه
لأ والمضحك جدااا بقي أني عندي إمتحان شفوي بكرة فى المادة دي لأ وكمان عندي إمتحان عملي يوم الخميس اللى هو بعد بكرة يعني
حاجة لوووووووز بصراحة
أنا مش عارفة أقول ايه ولا أعمل ايه فى المادة دي
بجد لينااا ربناااا ومني لربنااا برضه
ودعواتكم ليناا بكرة
هو الله أعلم الإمتحان هيبقي الساعة كام أساسا بس الإحتمال القائم أنه الساعة 11 فى الموعد الرسمي للمحاضرة يعني
يللا هأقول ايه ؟ هي دي حاسبااات تخيل
سلااام بقي
ثانيا : كل سنة وأنتوا طيبين وياا رب السنة دي تبقي أفضل واكيييد تعاطفنااا مع غزة جرحنا الدااائم وربنا ينصرنااا وينصر الإسلام والمسلمين
ثالثا بقي اسم الموضوع AoA
اسم مادة عندنا هو إختصار من عندي للمادة التي يطلق عليها Analysis of Algorithms
مادة ما يعلم بيها إلا ربناا
مادة من ام دكتورين اه والله مش بأهزر ده بجد مادة بدكتورين
المادة دي نفسي أعرف أنا المفروض أتعامل معاها ازاى
مفيش ليها كتاب واللى عايز يعني المفروض يروح يصور مرجع كده واحد فى تحليل الخوارزميات والتاني فى ال fuzzy
هههه حد هيسأل ويقول ومين ال fuzzy دي يا اختي هأقوله أنا ده الجزء اللى الدكتور التاني شرحه لينااا
وهأقول ما علينااا
هاجي بقي للى أنا فهمته من المنهج بسم الله ما شاء الله نفسي أعرف هو المنهج عايز يقول ايه؟؟ مش فاهمة نوهااائي
أنا باعرف أحلل وكل حاجة وال master method
سارة فهمته وهأبقي أفهمه منهاا مفيش مشكلة برضه
بس بجد أنا مش فاهمة أنا عمالة كده ليه فى المادة دي؟؟
وهل كل الناس كده يعني؟؟ ولا أنا لوحدي أو أنا وأصحابي بس اللى كده
عايزة أفهم المادة راحة فين وجاية منين بس مش قادرة أوصل للحقيقة دي
وبرضه الجزء بتاع التخيل ده واني أعتمد على خبرتي فى المادة
مسخرة والله المفروض أخمن منين أنا مش عارفة والله
لو الموضوع محتاج خبرة الواحد يشيل المادة عشان ياخد خبرة على السنة الجاية بقي ولا ايه؟ مش عارفة برضه
لأ والمضحك جدااا بقي أني عندي إمتحان شفوي بكرة فى المادة دي لأ وكمان عندي إمتحان عملي يوم الخميس اللى هو بعد بكرة يعني
حاجة لوووووووز بصراحة
أنا مش عارفة أقول ايه ولا أعمل ايه فى المادة دي
بجد لينااا ربناااا ومني لربنااا برضه
ودعواتكم ليناا بكرة
هو الله أعلم الإمتحان هيبقي الساعة كام أساسا بس الإحتمال القائم أنه الساعة 11 فى الموعد الرسمي للمحاضرة يعني
يللا هأقول ايه ؟ هي دي حاسبااات تخيل
سلااام بقي
هناك 18 تعليقًا:
اول مره ازور البلوج بتاعك يا قمر
والقيكى زعلانه كده
يا بنتى دى ماده وكمان بتاعت
(س ف) ح ح
عشان بس مش اروح ورا الشمس
بجد انتى مش لوحدك كده ليا اصحابى كتير زيك كده
بس بجد كبرى اعمل اللى عليكى
اللى انتى شايفه ان طاقتك متجبش غيره
وسيبى الباقى على ربنا
واكيد ربنا مش هضيع تعب اى حد
وعلى راى المثل
ماده تفوت ولا حد يموت
يلا بقى ورينا الهمه
انتى قدها
بس انا عارف ان الموضع صعب من الاساس
بس لو نجحتى فى الماده دى
اكيد هتنجحى فى حياتك
طالما انتى قدرتى واتحديتى نفسك
ربنا معاك ومعانا
أيه يا بنتى مش قالك إن Algorithms
هي أساس كل حاجة هو الدكتور لو سألك أي سؤال قولي الكلمة دي في الأول
وإن شاء الله هتعدي يعنى زى الباقي
بس المضحك فعلا هو الأمتحان الشفوي الي معرفش أزاى ولا العملي الي مش عملي؟؟
ولا أنا الي مش أنا!!!!!
سلام
هههههههههههههههه
تعرفى إنى كنت متأكدة إنك هتكتبى موضوع على البلوج بتاعك النهاردة عن المادة دى
هى مادة بجد مش عارفة أحدد موقفى من نحيتها ساعات بحس إنها سهلة وساعات لأ بس أكيد كله بيقلب خير بطريقة ما
وكله كوم وإمتحان بكرة ده كوم تانى خالص
أموت وأعرف إزاى همتحن شفوى فى المادة العجيبة دى حاسة إنى هتفاجأ بكرة
بس فاكرة لما سألنا حد كده السؤال ده رد علينا وقال إيه
هنمتحن فى fuzzy والله كل ما أفتكر الكلمة دى أموت من الضحك
يلا خير وعلى رأى المثل ياخبر النهاردة بفلوس بكرة وبعد بكرة بدرجات
heya le mada ah malhash ketab nazel nzaker mennoh
bas 3andena Introduction to Algorithms dah ketab gamed geddan geddan w dah elly Dr.Sayed byeshra7 mennoh aslan
w b3deen google mawgood w wikipedia mawgood
hatla2y 7agat kteer 3al net w mafhomable geddan kaman!! ..
el madda de bgad momte3a ... bas tetzaker sa7 ...
anyway rabena m3ana ISA ...
ana lessa mesh 3aref hazaker ezzay bardoh ... bas habos fe el ketab elly 2olt 3aleeh fo2 :)
good luck tomorrow isa
salam
طبعا يا سارة كلنا كدة
كلنا ضيعييين فى المادة دى بشكل رهيب
مش عارفة منين مودى على فين
بس زى مسمر قالت لما يسألك سؤال قولى
الالجورزمات اساس كل شئ
ههههههههههههههههههههه
وطبعا بعيدة عن المتحان بتاع بكرة دة
الى مش عارفين هنعمل اية فية
بس انا متفائلة خييييييير
وكلة بيقلب خير بطريقة ما فى الاخر
نور القلب
بداية منورة البلوج
وربنا يخليكي وإن شاء الله الواحد هيعمل اللى عليه واللى يجيبه ربنا أنا راضية بيه
وفعلا مادة تفوت ولا حد يموت :)
romansy
حاضر والله هأحاول أعمل اللى أقدر عليه فى المادة دي ودعواتكم معايا بقي
وربنا معانا كلنااا
key of life
سمسم منورة المدونة دائما والله
بس هى أساسا مدونتك لأن انا وأنتي 17 ;)
وهأقول الجملة حاااضر من عينيا
واحنا كلنا مش احنا عاادي يعني
مرض وانتشر فى الشلة :))
solo
يعني لو مش أنتي اللى هتحسي بيا أجيب مين يحس؟؟؟
ولو سأل فى ال fuzzy انا مش هأقدر أمسك نفسي من الضحك فعلااا
ربنا يسترهااا بكرة يا سولو
وهى المادة سهلة بس مش عارفة فيها ايه؟
سلااام
BooDy
أولا حضرتك منور المدونة
ثانيا المادة من حيث حلوة كمادة وفهم وكده ماشى مفيش مشكلة
وكمان هى مفيدة جدااا قدام
وانا مبسوطة اني بأعرف أحلل الكود وكده
أى حاجة بتفيد فى البرمجة اكيد هأحبها
بس يعني هو حضرتك يعني مش حاسس أن أحنا اتبهدلنا في المادة؟؟؟
وتوهنا فيها برضه؟؟
ولا حاسس أن أحنا نوعا ما اتظلمنا؟؟؟
لو كل ده حضرتك مش حاسس بيه
أوك ربنا يوفقك فى المادة وأنا بأقول كلام مش حقيقي ويا ريت تفضل مقتنع برأيك
ان حد ينجح فى مادة ويشوف أنها حلوة ولذيذة أكيد ده شيئ جميل جدااا بدل ما تبقي كل سى اس ضايعة يعني ;)
بس الغريب فى المادة دي أصلاااا
أن أنا تقريبا فاهمة المادة كلها بعيدا عن التخمين
بس برضه حاسة أني مش مجمعة المادة معايا مش عارفة ازاى
حاسة أني ضايعة
وبعدين يعني ما هو واضح أن المنهج هزيل ;)
ولا ايه؟؟ وموضوع الكتاب وكده أنا يعني اتعودت على مذاكرة المحاضرات والسكاشن صعب ابدأ من الكتاب فى الوقت الحالي
وشكراا على الرد
senioreta
منورة يا سارة
واكيد دفعة سى اس بتحس ببعضها كالعاادة يعني
وهأقول الجملة حااضر من عينيا
وفعلا كله بيقلب خير بطريقة ما فى الآخر زى ما دائما بأقول
سلااام بقي
law hanetkallem 3an el Fuzzy logic w keda
fa e7na akeed etzalamna fel 7ewar dah
Qaddar allah w ma sha2 fa3al ...
ennama el Algorithms nafsaha
ana shayef ennaha tamam geddan ma 3ada goz2 el Substitution method elly asdek 3aleeh
howa elly feeh efteradat w keda
3'eer keda ... kolloh tamam!!
anyway ... ana 3an nafsy bazaker men Wikipedia now
w kol 7aga mashya tamam!!
bas moshkelty b2a enny lessa bade2 abos fel algorithms elly 3andena now .... w kman t3ban w mesh 2ader akammel mozakra ...
rabena ystorha 3aleena isa!!
BooDy
تفائل خير عشان تلاقى خير ;)
وعامة هي مادة وهتعدي بكل حاجة
وربنا مع حضرتك فى المادة
هى مش كبيرة وممكن تخلص
بس المشكلة ان بكرة الواحد هيصحي بدري عشان محاضرة الاسمبلي
ربنا يسترهاااا
وشكراا على الرد :)
سلاااام
مادة وهتعدى ان شاء الله وبالتوفيق بس حاولى تعملى اللى تقدرى عليه وان شاء الله ربنا مبيضيعش عمل أى حد وعلى فكرة مفيش أحسن من الارتجال والتأليف فى الامتحان يعنى لما تتزنقى ألفى بس على أساس علمى وان شاء الله تعدى على خيييييييييييييييير
ازيك يا ساره ...
انا شوفت الموضوع ده الصبح بس مالحقتش ارد عليكى :)
بصى يا ستى هو المنهج علشان هزيل ومع دكتور السيد انا قلقانه من الامتحان
لكن كألجورزم وكدا فالماده مسليه جدا واكتر ماده احب اذاكرها ومازهئش منها ...لكن بقى القلق من الامتحان والمفاجائات اللى اتعودت عليها فى حاسبات :D
لكن الماده جميله قوى واعتمدى فى مذاكرتك على المحاضرات ولو فيه حاجه مش مفهومه الجئى للنت والكتب :)
والحمد لله الامتحان الشفوى كان حلو :D
ابقى طمنينى عملتى ايه فى الشفوى النهارده :)
سلام يا قمر :)
والله انا شايف مناظر اصحابي اللي معاكي في القسم عملة ازاي :( و منها مش هقولك غير ربنا معاكي في المادة دي :)
The Aorta
شكرا على ردك
والحمد لله عدت على خير
وشكرااا قوي على الدعاء ربنا يتقبل منا يا رب ومفيش أفضل من التأليف وأن الالجوزمااات أساس كل شيئ :))
Dina Shaldoum
الحمد لله أزيك يا دينا؟؟
منورة المدونة والله
والإمتحان الحمد لله كان كويس
وأنتي بالظبط والله قلتي اللى عايزة أقوله بالنسبة للمادة دي
فاهمة المادة اه بس حاسة أني ضايعة وحاسة ان النتيجة مش هتبقي كويسة
بس أنا فرحانة النهاااردة عاامة :)
Hunikal
ربنا يكرمنا كلنا
وبرضه بتوع اى تي بيصعبوا على الواحد
ربنا معاكم يااا رب
وتبقي الإمتحانات الفينال أفضل بكتير من الميد ترم
وشكرا على الرد ومنور المدونة
والحمد لله كان الإمتحان الشفوي حلو
وحسب كلام الدكتور عن طريقة الإمتحان الفينال أعتقد أن الواحد ممكن يفكر يبدأ يتفائل بالمادة دي :)
والمفروض أروح أذاكر للعملي بتاع بكرة بقي ربنااا يسترهاااا
سلاااام بقي
السلام عليكم ورحمة الله وبركاته
كل سنه وانتى طيبه يابشمهندسه
وان شاء الله تكون سنه سعيده
دايما كل ترم بتكون فى ماده لازم تخنقنا شويه
بس ان شاء الله كله هايعدى وكله هايخلص وكله هايبقى تمام
توكلى على الله وركزى وان شاء الله تقدرى تفهميها وتشرحى لأصحابك كمان :D
soul_of_darkness
أولا شكرا على الرد
ثانيا هو لازم تبقبي فيه مادة الواحد حاسس انه مضايق منها فعلا
بعيدا يعني عن الفهم وكده
ساعات بتبقي حالة نفسية من المادة
زى اللى كانت عندي من الشبكات قبل ما أحس أني بدأت أحبها وأفهمها
وشكراااا جدااا على الدعوة
ونورت المدونة والله
شوية دعوات عشان العملي بكرة بقي ;)
سلاااام
first of all..thanks a lot 3l comment =)
w saneyan LOL @ nooha2i :D :D bgad da7akteeni !!
my brother told me a little about this subject..shaklaha azma kebira awi m3ako..bgad rabena m3ako insha'allah =)
I like your blog I think I'll start reading it regularly
Keep posting w thanks again :)
Nemz
أولا شكرا على الزيارة الحلوة دي
ومنورة المدونة جداا
وشكرا على الكلام العسل ده
ربنا يخليكي
وأهى مادة وهتعدي إن شاء الله
ربنا يسترهااا علينااا
وأتمني تفضلي تزوريني :)
سلااام
إرسال تعليق