أهلا بكل الناس اللى بتدخل هنا عندي
من قريب زى ما مكتوب فى البوست اللى فات كان عيد ميلاد صاحبتي وأختي الصغيرة سارة
فأنا قلت عيب بقي أسيب المدونة كدا لونها أسود وأحنا بنحتفل والشلة مقررة سويا أن احنا نفرح الأسبوع دا (بس مفيش كلام بالنسبة للأسبوع العالمي للإمتحانات)
فقلت بقي لازم أغيرها كدا واحط حاجة فيها أمل عشان كدا فيه سحب
وحاجة فيها أمل وفرحة عشان كدا فيه بحر تحت خالص
فإيه بقي رأيكم فى المدونة بشكلها الجديد؟؟
بصراحة أنا مش متعودة عليها خالص وكل ما أدخل أخد فترة كدا أستوعب اللى بيحصل
نرجعها أسود تاني ولا كدا أحسن؟؟؟؟؟؟
بس دا كل الموضوع وهنشوف الموافق على الكلام ده يتفضل برفع يده :D
وعايزة الناس بقي تدعي أسبوع الإمتحانات ده يعدي على خير
وعايزة أعرف برضه هل الناس بتتقبل أني أكتب خواطر ليا بالإنجليزي ولا مش بتحسها كدا؟؟؟ ولا عادي ولا ايه ظروفكم برضه :D
بس كدااا
سلاااااام
من قريب زى ما مكتوب فى البوست اللى فات كان عيد ميلاد صاحبتي وأختي الصغيرة سارة
فأنا قلت عيب بقي أسيب المدونة كدا لونها أسود وأحنا بنحتفل والشلة مقررة سويا أن احنا نفرح الأسبوع دا (بس مفيش كلام بالنسبة للأسبوع العالمي للإمتحانات)
فقلت بقي لازم أغيرها كدا واحط حاجة فيها أمل عشان كدا فيه سحب
وحاجة فيها أمل وفرحة عشان كدا فيه بحر تحت خالص
فإيه بقي رأيكم فى المدونة بشكلها الجديد؟؟
بصراحة أنا مش متعودة عليها خالص وكل ما أدخل أخد فترة كدا أستوعب اللى بيحصل
نرجعها أسود تاني ولا كدا أحسن؟؟؟؟؟؟
بس دا كل الموضوع وهنشوف الموافق على الكلام ده يتفضل برفع يده :D
وعايزة الناس بقي تدعي أسبوع الإمتحانات ده يعدي على خير
وعايزة أعرف برضه هل الناس بتتقبل أني أكتب خواطر ليا بالإنجليزي ولا مش بتحسها كدا؟؟؟ ولا عادي ولا ايه ظروفكم برضه :D
بس كدااا
سلاااااام
هناك 11 تعليقًا:
هيييييييييه
أنا أول واحد
الشكل الجديد للمدونة شغال وأهو تجديد فأنا عن نفسى موافق عليه
أما بالنسبة للامتحانات فربنا يوفق الجميع يا رب وان شاء الله تعدى على خير
أما بالنسبة للخواطر فأكتبيها باللغة اللى انت حاسها بيها لأن الخواطر احساس وبنعبر عنه بأى لغة
هممممممممممم
انا بقول انك تسيبيه كدا افضل مش عشان تغيير ولا كلام من دا
لكن كنوع من إنك لو داخله مضايقه او زعلانه من حاجه تلاقي المدونه اسود فتضايقي اكتر تروحى مكان تانى اسود فكدا يبقي كتييييييييير
والامتحانات بقي ما انتى عارفه الشعار يعنى
اما بالنسبة للخواطر فهى خواطر لانها بتجي في بالك كدا بشكل معين بلغه معينه باحساس معين
ممكن تبقي تنزلي الترجمه بقي في طبعات تانيه ولا حاجه ;)
سلااااااااااام
هفضل رافع ايدى كده كتيييييييير :)
ايوه كده احسن بكتير
وان كان عل الامتحانات
فايام الابداع عل رايك
ربنا معنا ونبدع اخر تبديع
اما بقى الخواطر
فعادى اللى يريحك واللى يوصل المعنى سوا عربى او انجليزى ولا حتى روسى
أيوه يا سارة اللون الأبيض أحسن بكتير
وبعدين السحب والبحر أجمل أهى حاجة تفرح
أما الإمتحانات فربنا يعدى الفترة دى على خير وياريت كل اللى يدخل يرد يدعيلنا أنتوا عارفين طبعا إحنا محتاجين دعواتكم هههههههههه
أما بالنسبة للخواطر فعلى حسب ماأنتى حساها وبالطريقة واللغة اللى أنتى بتستريحى بيها وأنتى بتكتبى لأنك كل ماتكونى مستريحة هتبدعى أكتر
بس كده أنا جوبت على الأسئلة أهو
هتدينى كام بقه
والله التفائل جميل وكل حاجه
بس انا كنت بشوف اللون الاسود شيك
ومهوش مقياس للحزن علي فكره
بالعكس كان قمه في الشيكه
انا برضوا حسيت اني غيريبه شويه اوي لما دخلت المدونه ولقتها كدابيضه
يمكن عشان انا اتعودت علي شكلها التاني
بس في الاخر اللي يريحك هو اللي تعمليه والنهايه هيكون قرارك
اما بنسبه للخواطر فا انتي بتكتبيها تحفه بجد بالانجليزي
وسواء باي لغه تانيه المهم انه احساسك ولغات العالم مش هتغيره
وربنا يوفق الجميع في الامتحانك
ربنا يسترررررررررررر
تحياتي
فراشه الشتاء
هي حلوة كدة
مش شوفتها بصراحه وهي بالاسود
بس هي جميله مادمتى بتكتبي فيها
ربنا يوفقك في امتحاناتك ويكرمك يارب
تحياتى
بما انى اول مره اعلق عندك بس متابعاكى دايما يا ساره بالنسبة للون فهو كده جميل والسحب جميله اوى
بالنسبة للامتحانات بئه فربنا على الظالم :D
سواء كدا او كدا المهم المضمون
وبجد مدونتك من المدونات المميزة
تحياتى
انا مش مووافق عاللون الابيض واى لون فاتح بلا تفائل بلا بتاع
اللون الاسود والغوامق كلها زى الزفت جمييله
مش عارف مين اللى قالك فتحى ؟؟؟؟
nice theme
زى ما قريتى عندى كده الحياة كلها تفائل :)
ربنا يوفقك فى الامتحانات
انا قولت امسى عليكى
The Aorta
أهلا بحضرتك وأهم حاجة التغيير
وشكرا على الرد وهو الردود بالحجز ولا ايه؟؟ عامة شكرا على المتابعة :D
key of life
ماشى أسيبه وماله يعني مش كفاية صحيح اللى الواحد فيه يعني هتبقي الكلية والدنيا والمدونة كمان؟؟ بس عامة يعني الأسود أنا بأستعبط وأقول أنه بيدي مجال للتفيكر
dodo
وماله سيبها مرفوعة أنا مالي أنا :D
ربنا يسترها علينا فى الأيام المفترجة بتاعت الإمتحانات
solo
منورة يا سولو
واكيد إمتياز هى كوسة بقي :D
وربنا يوفقنا كلنااااااااااا
سهر الليالي
أنا كمان بأحب الأسود بس هو بيخلي الواحد يسرح والسرحان بيجيب كتييييييييير يعني من أول الإكتئاب لحد التهييس :D
وربنا يتقبل الدعاء لينا وليكي
gilan
منورة المدونة
وربنا يخليكي ويتقبل الدعاااااء يا رب
وأكيد أنتي الأحلي
صفا
الله يخليكي منورة المدونة والله
أهل حاسبات ليهم طله برضه :)
وفعلا ربنا على الظالم وحسبي الله ونعم الوكيل كمان
وشكرا جدااااا على ردك
المبرمج المحترف
ألف شكر لردك ولرأيك فى مدونتي العزيزة عليااا
ونورت المدونة
DoOkDoOoK
ولا أنا عارفة ايه اللى خلاني أفتح
انا كنت ناوية أستني لحد بعد الإمتحانات مابحبش الندالة أنا
وهأسيب اللون بقي :D
Eng_Romisaa
فعلا كلها تفااااؤل بس هو تقريبا ساعات بيهرب التفاؤل يعني
وبعدين التشاؤم أحلي
ومساء الفل
منورة المدونة
سلااااااام
وبناء على رغبة الجماهير هأسيب المدونة كدا شوية ولا حاجة :D
يللا سلام بقي
إرسال تعليق